اهلن اهلن متابعاتي ,, اشتقت لكم ولتواصلكم
اعذروني انقطعت فتره عن التدوين لاني حابه اجرب منتجات جديده وأتاكد من نتائجها
اليوم بتكلم عن برنامج عنايه للبشره من كلينك (3 خطوات ) ,, 3 steps
بدايه اخترت للبشره الجافه الى الجافه جداً (نوع بشرتي جافه جدا)
المجموعه كانت عباره عن
غسول
تونر
كريم مرطب
استخدمت المجموعه كـ روتين لمده شهرين تقريبا ..
غسول يومي
أول خطوه من الثلاث خطوات
تاخذين كميه بسيطه وتوزيعينه على بشرتي ,, كنت استخدم الاسفنجه معه تساعد في التنظيف
يستخدم مرتين صباحا ومساء مثل أي روتين
تجربتي:
الغسول لطيف جدا جدا على البشره
لكن ما حبيته ابد لاني ماكنت احسه ينظف بشرتي ..
استخدمت غسول ثاني بعد الميك اب لان كنت اشوف ان غسول كلينك يناسب الصباح قبل الميك اب
تقيمي : 3 من 5
التونر
ثاني خطوه بعد الغسول
حطي شوي على قنطه وامسحي فيها الوجه والرقبه لا تقربين من العيون (امسحي ولا تفركين كوني لطيفه مع بشرتك أو بيجيك آثار عكسيه )
التونر وظيفته ينظف البشره ويسكر المسام
التونر قوي على البشره ويستخدم مره وحده فقط في اليوم
تجربتي
افضل شي في المجموعه التونر لو برجع اشتري ممكن اشتري التونر فقط
ينظف البشره بعد ما استخدمه أتاكد 100% أن بشرتي نظيفه ومنتعشه
تنظيف عميق جدا
تقيمي : 4 من 5
كريم الترطيب
بستخدم بعد التونر بخمس دقائق
يوزع على الوجهه والرقبه ,, مرطب لطيف للبشره
تجربتي
كنت اتوقع الكريم يعطي ترطيب اكثر ,, نسبه الترطيب 40%
برأيي في كريمات ثانيه فيها ترطيب اكثر و بسعر أقل
تقيمي : 2.5 من 5
الخلاصه :
كنت اسمع عن مجموعه 3 ستيبس وتوقعت افضل من النتايج اللي شفتها
مثل ما ذكرت قبل لو برجع اشتري بشتري التونر فقط
لو حابه تجربين مجموعه 3 ستيبس من كلينك انصحك تشترين الحجم الصغير لو عجبك ترجعين وتشترين الكبير
ولو ما عجبك ما خسرتي كثير
سعر المجموعه في وجوه (فيسسز) 159 ريال سعودي
لأي استفسار تواصلوا معي هنا
أو على حسابي في تويتر ,,
