ريفو : (غسول وجل ) من Dermo Care

مساء الخير .. 

ريفو اليوم عن منتجين من Dermo Care 

من فتره حبيت اغير روتين العنايه اليومي لبشرتي 

وقررت أجرب منتجات Dermo Care 

اول بتكلم عن Dermo Care 

هي ماركة تابعه لصيدلية بوتس 

عندهم اكثر من نوع 

في نوع معالج لحبوب الشباب 

ونوع ثاني تفتيح لون البشره 

ونوع ثالث مضاد للتجعايد ولعلامات تقدم سن البشره 

النوع الاخير هو مناسب لكل انواع البشرة ترطيب وعنايه فقط 

انا اخترت النوع الاخير .. عناية وترطيب 

جربت الغسول وكريم العنايه 

  الكريم 

قوامه: عباره عن جل ثقيل ياخذ وقت في التوزيع عشان تمتصه البشره 

مكتوب ان الترطيب 24  ساعه فعلا ترطيبه عميق 

مناسب للاستخدام في الصباح والليل 

واستخدمته مثل ماهو مكتوب مرتين في اليوم 

اوزعه على وجهي والرقبه << لا تنسون دايم ترطيب الرقبه بشكل يومي ومستمر 

قبل الميك اب 

استخدم الكريم قبل الميك اب بربع ساعه عشان تمتصه البشره وبعده استخدم البرايمر 

لو كنت مرطبه بشرتي الصباح يكفي ما ارجع استخدمه الا قبل النوم 

النتايج 

صارت بشره وجهي مترطبه كل اليوم والحمدلله ما صرت اعاني من جفاف بشرتي مثل قبل 

اعطاني نضارة بنسبة 16%  مو اكثر 

انصح باستخدامه للبشرات الجافه وتحتاج ترطيب فقط 

الغسول 

منظف ممتاز للبشره فيه حبيبات صغيره زي ما تشوفون بالصورة تذوب بسرعه مع المويه 

الجميل فيه ما يجفف البشره  وينظف تنظيف عميق 

قوامه : جل ثقيل كميه قليله جدا تكفي الوجه كامل والرقبه 

مافيه اي نسبه عطوارات ومناسب لكل انواع البشره 

مدة استخدامي للمنتج :

جربت الغسول والكريم لمدة شهرين 

قربوا يخلصون .. 

السعر : 

الكريم [الجل]: 70 ريال 

غسول الوجه : 40 ريال 

متوفره في صيدلية بوتس

ماراح تحصلينه في غير صيدلية بوتس لانه من منتجاتهم 

فروع صيدلية بوتس في الرياض :

صحاري مول 

غرناطة مول 

الرياض غاليري 

مخرج7  - مقابل جامعه الامام - 

بشكل عام حبيت الماركة وممكن ارجع اشتري منها منتجات ثانيه