سلسلة مستجدة جامعية : اختاري نظام لعنايتك ببشرتك ..

اهلن اهلن بمتابعاتي الجميلات

 كيفكم وكيف كانت انطباعاتكم عن اخر بوست النظافه الشخصيه

 نكمل سوا سلسله مستجده جامعيه نظام تنظيف البشره صباح ومساء

انتي محتاجه 3 خطوات يوميا و4 خطوات اسبوعيا

 تعالي اقول لك كيف؟؟

 يوميا: الخطوه الاولى الغسول

 الخطوه الثانيه التونر

 الخطوه الثالثة الترطيب بالكريم

  اسبوعيا: نفس الخطوات السابقه وزياده عليها تقشير البشره مرتين في الاسبوع كل ثلاث او اربع ايام مثلا الجمعه و الثلاثاء او الخميس و الاثنين

نبدأ بسم الله بأول خطوه وهي الغسول 

الغسول مهم جدا جدا للبشره يزيل البكتيريا والاوساخ اللي تتراكم على وجهك كل اليوم

 الغسول عاده يستخدم مرتين الى 3 مرات

 انا استخدمه الصباح وبعد ما اخلص الدوام بعد الجامعه

مره مهم بعد الدوام!! ليه؟ لازم تنظفي الغبار والاوساخ اللي تعرض لهم وجهك وبرضوا لو انتي تحطين ميك اب خفيف تحتاجين تنظفي بشرتك

 والليل قبل انام

 انواع الغسولات

اضفت كل الغسولات بصوره وحده  

انتي اختاري النوع اللي يناسبك

 شوفي نوع بشرتك واختاري اللي يناسبك

 ممكن اللي يناسبك ما يناسب غيرك واللي يناسب غيرك ما يناسبك

 ننتقل للخطوة الثانيه التونر

(يكون سائل مثل المويه خفيف جدا )

 التونر انواع :

  قابض للمسام وهذا للبشره الدهنيه (هذا النوع لا يستخدم قريب من العينين )

  تونر ملطف للبشره العاديه والجافيه

 اهميه التونر يفتح المسام وينعش البشره يعطيك نضاره وحيويه للوجه

 طريقه استخدامه خذي شوي من السائل وحطيه على قطن الوجه

 وامسحي وجهك بحركه دائريه

اذا وصلتي للجبهه ابدي من النص باتجاه الخارج

 ولا تنسين بقطنه ثانيه تمسحين الرقبه

 انواع التونر  في صورة وحده 

الخطوة الاخيرة : 

 الترطيب وهي اهم خطوه بعد التونر ب5 دقايق

استخدمي كريم مناسب لنوع البشرة 

المقشر 
ليه نتسخدم مقشر !!؟؟
 لأن  ببساطه محتاجين نشيل الخلايا الميته

 المقشر يجدد الطقبه العليا من البشره

 بيعطي بشرتك نضاره حلوه

 طريقه استخدامه من مره الى مرتين في الاسبوع خذي كميه شويه من المقشر 

ووزعيه على وجهك وبحركات دائريه خفيفه لمده دقيقه 

وبعدها غسلي وجهك

أنواع مقشرات البشره 
مقشر ستيفز للوجه :من افضل الانواع اللي استخدمتها

 مقشر كلينك 7 days

شوفوا ريفيوا الجميله simplicity is beauty

http://simplicityisbeautyblog.blogspot.com/2013/06/clinique-7day-scrub.html 

 وطبعا لا تنسين واقي الشمس في الجامعه شي مهم جدا جدا

ويحمي بشرتك من اشعه الشمس اللي ممكن تسبب 

النمش البقع الكبيره الغامقه الحروق الخفيفه (يصير لون بشرتك احمر ) و و و الخ 

ونصيحه يابنات لا تقولين انا ما اتعرض للشمس كافي مشوار من البيت للسياره للجامعه

لازم تحمين بشرتك بواقي شمس ويكون 25 او اكثر

انتهى البوست : اعتذر منكم ما قدرت اكتب ريفو عن كل منتج 

لأن انواع البشره تختلف 

وحبيت يكون البوست شامل يستفيد منه الكل 

نصيحتي اذا قررتي تشرين اي منتج 

سوي عليه بحث واقري التجارب ومكوناته  

نجي لآخر فقرة كلمه مني لصحباتي المستجدات 

اول اسبوعين دوام بتكونين مو متاقلمه على الوضع

 وبتقولين ياحلو ايام الثانوي كلنا مرينا بهذي الفتره

ضغط ومجتمع جديد ومواد جديده وصديقات جداد

 لازم تكونين ايجابيه

 رددي كلمات انا اقدر انجح .. هذا مستقبلي

ودايم كنت اقول اللي درسوا نفس تخصصي وتخرجوا من الجامعه

 ايش عندهم مو عندي ؟؟

 عندهم عقل عندك عقل

 عندهم عزيمه واصرار خلي عندك عزيمه واصرار بوجهه كل شي يوقف بطريقك 

اهتمي بنفسيتك ودايم خليك ايجابيه ابعدي عن الناس السلبيه

النقطه الثانيه اهتمي بمعدلك

 السنه التحضيريه حجر الاساس لك في الجامعه

 اهتمي بدراستك بدكتوراتك والاستاذات

 الاستاذات والدكتورات انتبهي تناقشيهم وتطلعيهم غلط او تتطاولين عليها بالكلام 

لان 

 هي اللي بتصحح ورقتك مو احد غيرها ولا احد بيراجع وراها

انتبهي لنفسك في هالنقطه واذا قدرتي بيني للدكتوره انك مجتهده

 في نقطه تنرفزني في البنات اللي يروحون يتشكون للدكتورات

 انا يادكتوره مستواي ضعيف

 انا يادكتوره ما افهم بسرعه

 انا يادكتوره عندي ضغوط في البيت

 ترا هذا كله ما يفيدك بشي غير ان الدكتوره بتحتقرك واحيانا ترحمك

 يعني لا تنتظرين بالفاينل درجتك اكثر من دي بلس الى سي 

الله يوفقكم حبيباتي ويسهل دراستكم واموركم كلها 

لا تنسوني من دعواتكم :$